السلام عليكم ورحمة الله وبركاته
تفضلوا بعض الافكار الجديدة والمميزة لتنظيم بيتكم ^.<
الفكرة انج تستخدمين هالنوع من الباسكت او اي نوع ثاني تفضلين عند الباب.
كل عضو في البيت له سلة يحط فيها اغراضه اللي يحتاجها قبل ما يطلع من البيت ^.^
تشترين باسكت له غطا.. اذا ما عاجبج لونه ممكن تصبغينه.. وركبي له عجلات ^.^ < فكرة وايد حلوة
ممكن تحصلينه في ايكيا
وممكن انتي تسوينها.. لوحة خشب صبغيها بالابيض.. بعدين ممكن تحصلين في البيت عندج بوكسات صغار اشكال مختلفة.. والا انتي جيبي لوحة كرتون من جرير وصنعي بيدج خانات نفس اللي في الصورة لكل غرض.. اقلام + اوراق + مفاتيح..
برواز من الخشب + شبك حديد والا اي معدن
ركبي على الشبك علاقات صغيرة عشان تقدرين تستخدمنها في تعليق المفاتيح والا اي غرض ثاني.. ممكن تتعلق عليها اكسسواراتج مثل الحلق..
تستخدمين الرف لوظيفتين
ركبي تحته علاقات او مسمار
ممكن تستخدمين الطاجن المغربي مو بس للطباخ..
حطيهم فوق الطاولة اللي عند باب بيتك والا شقتج..
في غرفتج والا المطبخ والا غرفة الاطفال.. لصقي الكلبسات الحديد على الطوفة (الحائط) والا على الثلاجة.. واستخدميها في تعليق الرسائل او وصفاتك او اي اوراق مهمة..
فكرة حلوة لتعليق النوتات او الاوراق المهمة
علقي لوح خشب بالعرض او بالطول اللي تبينه.. وصمغي علاقات الخشب على حوافه
فكرة بسيطة وسهلة ^.^
هالنوع من الدرايش (النوافذ) الخشب ممكن تستخدمينه لغرض ثاني
علقي شريط عريض من المغناطيس + او دوائر من المغناطيس في تعليق اغراضك المصنوعة من الحديد
اللي عندها قسم خياطة في البيت ممكن تستخدمه في تعليق الابر والمقص...
فكرة للاغراض اللي ما تبينها تبين.. ركبي ستارة لتغطيتها..
فكرة ديكور جديدة ^.^
ممكن تستخدمين خزانة الادوية لمجوهراتك واكسسواراتك..
وبس
ان شاء الله اعجبتكم الافكار ^.<
الافكار الحلوة من موقع مارثا ستوارت
اذا عجبكم الموضوع ادعولي.. الله يهون علي ويرزقني الولادة السهلة واشوف النتوف بحضني ^.^